Yasana: Moyya
"Aaargh!" goak Rani dibarung ngadudutan kulit beungeutna nu ujug-ujug karényod bari sawaréh narapel kana dampal leungeunna.
"Bongan anjeun, rék wani mungpang kana ikrar baheula, geus rék dua purnama kaula nyamos, tumbal ti anjeun teu jol waé," ceuk nu ngaringkiwik dina kaca.
"Ampun, Ratu Ganjen! Ayeuna pisan putu seja nedunan," sora Rani anu robah jadi sora kolot, tuluy ngiles, basa manéhna ngajleng kana jandéla. Tuluy leungit diteureuy poékna peuting.
Nu ngajanteng dina kaca ngilu ngiles.
Nyi Éha bati kocéak dengék, midangdam anakna nu leungit teu pupuguh sabot manéhna ka dapur.
Wanci haneut moyan. Rani ngulusik tuluy cengkat, bréh dina eunteung, beungeutna nu lemed deui.
Nyéh manéhna kéom, gap kana Hapé. "Mangga say, Rani siap ngaréncangan dugi énjing," SMS balesan ti Rani ka lalaki nu rék ngaboking manéhna engké peuting.
#SCS_Fikmin_Moyya.
Balik deui ka beranda, klik di dieu!
"Aaargh!" goak Rani dibarung ngadudutan kulit beungeutna nu ujug-ujug karényod bari sawaréh narapel kana dampal leungeunna.
"Bongan anjeun, rék wani mungpang kana ikrar baheula, geus rék dua purnama kaula nyamos, tumbal ti anjeun teu jol waé," ceuk nu ngaringkiwik dina kaca.
"Ampun, Ratu Ganjen! Ayeuna pisan putu seja nedunan," sora Rani anu robah jadi sora kolot, tuluy ngiles, basa manéhna ngajleng kana jandéla. Tuluy leungit diteureuy poékna peuting.
Nu ngajanteng dina kaca ngilu ngiles.
Nyi Éha bati kocéak dengék, midangdam anakna nu leungit teu pupuguh sabot manéhna ka dapur.
Wanci haneut moyan. Rani ngulusik tuluy cengkat, bréh dina eunteung, beungeutna nu lemed deui.
Nyéh manéhna kéom, gap kana Hapé. "Mangga say, Rani siap ngaréncangan dugi énjing," SMS balesan ti Rani ka lalaki nu rék ngaboking manéhna engké peuting.
#SCS_Fikmin_Moyya.
Balik deui ka beranda, klik di dieu!
